Inovacion për shpëtim
Vitet të tëra zgjerim në Spitalin Ludmillenstift bënë që sistemi HVAC të mos përballonte dot më. Përdorimi i Belimo Energy Valves™ pakësoi ndjeshëm normën e fluksit të ujit të rrjetit të ngrohjes, duke rezultuar në sisteme ngrohjeje dhe ftohjeje inteligjente, transparente, efikase dhe të varura nga ngarkesa - duke përmirësuar ndërkohë rehatinë dhe duke e mbajtur stabël konsumin e energjisë.
Spitali Ludmillenstift ndodhet në qytetin e Meppen në Saksoninë e Poshtme (Gjermani). Ky spital i madh multi-disiplinor përbën shtyllën e një rrjeti shëndetësor të madh dhe mund të përballojë më shumë se 160 vjet kujdes shëndetësor në rajonin e Emsland. Ai shquhet për nivelet e jashtëzakonshme të kujdesit për të gjithë pacientët e tij, i mbështetur nga infrastruktura moderne dhe teknologjia mjekësore më e fundit, duke përfshirë diagnostikime të avancuara dhe ekspertizë terapeutike, si dhe shërbime të tjera të specializuara.
| Institucioni: Spitali Ludmillenstift | Pacientë të brendshëm: 20 000 në vit |
| Vendndodhja: Meppen (Gjermani) | Pacientë të jashëm: 150 000 në vit |
| Hapur: 1851 | Shtretër: 420 |
Dhoma të ftohta dhe tentativa të guximshme
Teknologjia luan gjithashtu rol të rëndësishëm për të garantuar funksionalitetin, rehatinë, sigurinë dhe efikasitetin e ndërtesave që përbëjnë infrastrukturën e spitalit. Megjithatë, kërkesa për më shumë pacientë dhe qendra të specializuara është rritur përtej kapacitetit gjatë viteve të fundit, dhe zgjerimi i vazhdueshëm dhe programet e rinovimit kanë sjellë sfida të mëdha lidhur me kontrollimin dhe mirëmbajtjen e sistemit të shpërndarjes hidronike.
Mirëmbajtja e një sistemi HVAC të balancuar mirë mund të jetë diçka sfiduese në komplekset me shumë ndërtesa, si spitalet. Kjo ndodhi kur situata arriti kulmin, sepse pati shumë ankesa nga stafi lidhur me dhomat dhe zonat e ftohta në muajt e dimrit. Skuadra e menaxhimit të komplekseve në Ludmillenstift e dinte se disa pjesë të caktuara të vendit vazhdimisht mbeteshin të pafurnizuara mjaftueshëm me ujë të ngrohtë dhe kuptoi se sistemi hidronik i ngrohjes kishte vështirësi të menaxhonte dhe monitoronte nivelet e rehatisë.
Skuadra bëri përpjekje të guximshme për të përmirësuar situatënduke ngritur në mënyrë dramatike temperaturën e bojlerit, me të gjitha pompat të vendosura në ngarkesë maksimale. Megjithatë, kjo solli shumë pak sukses, dhe ankesat vazhduan, ankesat vazhduan dhe pompimi i tepruar dhe gjenerimi i avullit shtesë shkaktoi rritje të kostos, gjë e cila e pakësoi shumë buxhetin e spitalit. Në këtë pikë, Ludmillenstift vendosi të thërriste ekspertët - në formën e kompanisë G.U.T. August Brötje KG – për të gjetur shkakun e problemit dhe për të vendosur për një zgjidhje të përshtatshme.
Furnizim ngrohjeje me luhatje
Inxhinierët nga August Brötje KG panë vizatimet ekzistuese të sistemit të furnizimit me ngrohje dhe vendosën se vetëm balancimi qendror i nën-kolekgorëve do të zgjidhte problemet hidronike. Ata bënë një studim të hollësishëm të sistemit HVAC të ndërtesave, gjë e cila zbuloi dobësi dhe pengesa të shumta. Për shembull, temperaturat e matura te çelësi hidronik ishin 90/86°C (194/187°F), dhe furnizimi me energji i nënstacioneve individuale kishte luhatje, gjë e cila e bënte furnizimin e ngrohjes të vinte dhe të shkonte në mënyrë të rastësishme. Mungesa e ujit të ngrohtë që shkon në bobina, i cili shkaktohet vazhdimisht nga sistemi i mbrojtjes nga ngrica për të mbyllur sistemin e ventilimit në dimër, i cili ishte veçanërisht problematik në aspektin e punimit. Në përgjithësi, furnizimi me ngrohje thjesht nuk ishte modernizuar me të njëjtin ritëm si pjesa tjetër e spitalit.
Për të adresuar temperaturat jashtëzakonisht të larta të fluksit të bojlerit dhe kthimit të sistemit gjatë vitit, Peter Meier, ekpsert i kontrolleve
në August Brötje KG, duhej të përcaktonte shtrirjen afatgjatë të projektit të përmirësimit, i cili përfshinte specifikimet e mëposhtme:
– Të gjithë kolektorët duhet të rregullohen në volumin e fluksit nominal të tyre, për t'u siguruar që të sigurohet vetëm sasia e saktë e ujit të nevojshëm për balancim hidronik;
– Energjia termale që kërkohet aktualisht duhet të regjistrohet dhe të llogaritet në linjat përkatëse të shpërndarjes;
– Temperatura e kthimit të sistemit duhet të reduktohet për të përmirësuar efikasitetin e konvertimit të energjisë kundrejt bojlerit (dhe të bëhet përgatitje për përdorim
të planifikuar të mëvonshëm të një njësie të kombinuar ngrohjeje dhe energjie);
– Volumi i fluksit në të gjithë kompleksin duhet të jetë i varur nga ngarkesa për t'u siguruar që sistemi të operohet në mënyrë efikase, dhe që të mos pompohet sasia maksimale e ujit në ndërtesa.
Ruajtja e rehatisë dhe efikasitetit
Belimo i kishte prezantuar tashmë Peter Meier shpikjen më të fundit të tij – Belimo Energy Valve™ – dhe kjo dukej zgjidhja ideale për Spitalin Ludmillenstift. Kjo valvul kontrolli elektronike kombinon kontrollin e pavarur nga presioni, matjen e fluksit dhe energjisë, balancimin hidronik automatik dhe monitorimin e të dhënave, të gjitha në një pajisje të vetme. Duke matur vazhdimisht fluksin e ujit dhe temperaturën e furnizimit dhe të kthimit (delta T), Belimo Energy Valve™ përcakton energjinë termale që po konsumohet. Funksioni i kontrollit automatik të fluksit sigurohet që të sigurohet vetëm sasia e nevojshme e energjisë, pavarësisht nga çfarëdo luhatjeje në presionin diferencial.
Belimo Energy Valves™ janë vënë në provë nga shkurti deri në mars dhe është vërejtur një sukses i plotë në kushtet mbizotëruese të montit në temperatura deri në -12°C (10°F). Ato kontrolluan dhe monitoruan në mënyrë dinamike të gjitha qarqet e kolektorit hidronik duke matur vazhdimisht fluksin dhe temperaturat e ujit, që nga momenti i parë që u vunë në punë - më në fund problemet me furnizimin e ngrohjes ishin gjetur dhe ishin zgjidhur. Nga ai moment e tutje, të gjitha dhomat dhe zonat e lidhura me qarkun e kolektorit 1 furnizoheshin me vëllimin e duhur dhe fluksin e duhur të ujit që nevojitej realisht për ngrohje, gjë e cila reduktoi mjaft sasinë e ujit që duhej të siguronte spitali. Të dhënat që Belimo Energy Valves™ matën dhe regjistruan dhanë gjithashtu informacion të hollësishëm për atë çka po ndodhte në sistem, duke çuar në rekomandime për përmirësime të mëtejshme për efikasitetin e energjisë.
Raportet për energjinë të gjeneruara automatikisht nga Belimo Energy Valves™ vlerësohen shumë nga Ludmillenstift sepse ato japin një pamje tranparente të fluksit, temperaturës dhe performancës së përgjithshme të bobinës. Një dobi tjetër është se spitali i përdor të dhënat nga përgatitja e ujit të ngrohtë për raportim te autoritetet shëndetësore.
Spitali Ludmillenstift ruajti rehatinë dhe konsumin e energjisë në 2020 në nivelet e 2013/2014, edhe pse hapësira e kateve ishte shtuar 40% gjatë kësaj kohe.
Përfundimi me sukses, rezultatet informative dhe transparenca e të dhënave të fazës së testit treguan se Belimo Energy Valves™ do të ishin zgjidhja perfekte për të gjithë sistemin HVAC në spital, duke përfshirë aplikimin në vende ku energjia termale dhe fluksi volumetrik duhej të monitoroheshin dhe të regjistroheshin.
Kombinim i matjes dhe kontrollit të energjisë, matje dhe faturim i certifikuar i energjisë termale
Belimo Energy Valve™ integron matjen e energjisë, kontrollin, menaxhimin e Delta T, dhe nëse është e nevojshme, faturimin me IoT në një pajisje të vetme. Ofron integrim të thjeshtë dhe direkt në BMS ose në platforma monitorimi me bazë IoT, me monitorim me bazë IoT, mjete për përmirësimin e performancës dhe të dhëna faturimi. Dy botët e "kontrollit të energjisë" dhe "matjes e faturimit të certifikuar të energjisë termale" janë bashkuar. Sjellim së bashku veçoritë e performancës për t'ju kursyer kohë dhe para.
Fitues i çmimit Solar Impulse Efficient Solution Label
Solar Impulse Foundation dha një portofol prej 1000 zgjidhjesh novatore që plotësonin standardet e larta qoftë të qëndrueshmërisë, qoftë të përfitueshmërisë. Jemi krenarë të njoftojmë se Belimo Energy Valve™ është zgjedhur si një prej 1000 zgjidhjeve që fitojnë çmimin Solar Impulse Efficient Solution Label.
Konfigurim hap pas hapi i Belimo Energy Valve™
Belimo Energy Valve™ mund të konfigurohet në mënyra të ndryshme. Ndiqni këtë seri me video hap pas hapi për të mësuar si të konfiguroni valvulën e energjisë duke përdorur informacionet që keni në dispozicion. Këto video interaktive kanë një mjet për të ndihmuar në vendimmarrje, i cili mbulon të gjitha opsionet e rregullimit dhe konfigurimit ndërsa merreni me të panjohura të mundshme, si norma e fluksit të projektit ose delta T minimale e nevojshme.
Ndërtim modular për shkëmbim të shpejtë të matjes
Matësi i energjisë termale i valvulës së energjisë përbëhet nga një modul sensori, nga sensorë të lidhur temperature dhe ka funksione matjeje dhe logjike. Aftësi për komunikim të dhënash me Bus dhe NFC.Moduli i sensorit është i disponueshëm si pjesë rezervë. Disa shtete kërkojnë ndërrim periodik për rikalibrim sipas rregullave vendëse.Moduli i logjikës mund të shkëputet nga moduli i sensorit (duke i lënë të gjitha kabllot të lidhura), duke bërë të mundur që moduli i sensorit të shkëmbehet me lehtësi.