Ajër i kondicionuar i kontrolluar në dhoma të izoluara

Dhomat e izolimit operohen me një raport presioni negativ ose pozitiv të dhomës krahasuar me ambientin përreth, p.sh. me një presion paksa mëtë lartë ose presion negativ të lehtë, në varësi të rastit të përdorimit.

Diferenca e nevojshme e presionit gjenerohet nga diferenca mes ajrit të futur dhe ajrit të nxjerrë. Prandaj, koncepti i ventilimit bazohet në një kombinim të kontrollit të fluksit volumetrik dhe presionti të dhomës që përputhen saktë me zonën përkatëse.

Struktura e re modulare e gamës së produkteve të kontrollorëve VAV-Universal (tani me sensor ∆p të integruar) e bën të lehtë të krijoni kombinimin ideal të kontrollorit dhe motorizimit të damperit për çdo aplikim VAV, presion tubacioni dhe presion dhome.

Ekzistojnë tre aplikime kryesore të presionit të dhomës:

- Kontroll i thjeshtë i presionit të dhomës (kontroll direkt i damperit të futjes ose nxjerrjes së ajrit),
- Kontroll i njëkohshëm i fluksit volumetrik/presionit të dhomës (kontroll damperi bajpas paralel me damperin e nxjerrjes së ajrit) dhe
- Kontroll kaskadë i presionit të dhomës dhe fluksit volumetrik.

Këto aplikime të përdorura shpesh për presionin e dhomës janë shpjeguar më poshtë duke përdorur diagrame të thjeshta.

Kontrollori i presionit të dhomës VRU-M1R-BAC (A, në nxjerrjen e ajrit te shembulli) regjistron presionin e ajrit në dhomë. Kjo krahasohet me vlerën referencë dhe damperi rregullohet sipas pikës së caktuar të specifikuar të presionit të dhomës duke përdorur një zgjidhje aktuatori të përshtatur në mënyrë ideale për aplikimin.

Njësia VAV përkatëse (ajri hyrës) është përgjegjëse për normën e nevojshme të shkëmbimit të ajrit duke u bazuar në temperaturën e dhomës ose cilësinë e ajrit.

Dy njësi VAV (A, B) kontrollojnë normën e nevojshme të shkëmbimit të ajrit. Të dyja njësitë kontrollohen në paralel duke u bazuar në temperaturën e dhomës ose në cilësinë e ajrit.

Kontrollori i presionit të dhomës VRU-M1R-BAC (C) krahason presionin në dhomë me vlerën referencë të përcaktuar dhe më pas kontrollon damperin e bajpasit me pikën e caktuar të specifikuar të presionit të dhomës. Përmasat e damperit të bajpasit zgjidhen në mënyrë të përshtatshme sipas izolimit të dhomës, dhe kjo siguron nivel të lartë të saktësisë së kontrollit.

Modaliteti i operimit me "raport të presionit pozitiv/negativ" mund të ndryshohet sipas kërkesave aktuale për operimin e spitalit.

Aplikimet

– Fluksi volumetrik VAV/CAV
– Llogaritja e fluksit volumetrik
– Presioni i tubacionit
– Presion dhome me modalitet operimi të ndryshueshëm "raporti i presionit pozitiv/negativ"

Zgjidhje aktuatorësh

– Aktuator rrotullues
– Aktuator rrotullues fail-safe
– Aktuator rrotullues që punon shumë shpejt
– Aktuator rrotullues fail-safe që punon shumë shpejt

Kontrolli

– Kontroll i zakonshëm 0...10 V/2...10 V
–  BACnet dhe Modbus duke përfshirë Hybrid Mode, MP-Bus
–  Mund të ndryshohet duke përdorur aplikacionin Belimo Assistant

Mjete

– Aplikacioni Belimo Assistant (iOS, Android)
– Lidhje me valë NFC (Bluetooth)
– Mjet konfigurimi prë kompjuter i disponueshëm për prodhuesit e VAV

Aplikimet për presionin e besueshëm ët dhomës kërkojnë kombinime me përshtatje perfekte të kontrollorit/damperit. Komponentët e VAV-Universal janë të disponueshëm vetëm nga prodhuesit e njësive VAV.